ئەگرى ئېكرانلىق يانفون دەۋرى ئاخىرلاشتى

 نۇرغۇن ئالىي دەرىجىلىك يانفونلارنىڭ تۈز ئېكراننى تاللىشى بىلەن، يانفون ئېكرانىنىڭ تۈز ياكى ئەگرى گىرۋەكلىك تالاش-تارتىشى تالىشى ئاخىرى ئاياغلاشتى. كەلگۈسىدە، ئەگرى گىرۋەكلىك ئېكران تارىخ سەھنىسىدىن يوقىلىپ، ئىككىنچى ئورۇنغا چۈشۈپ قالىدۇ.

 خەۋەرلەرگە قارىغاندا، يېڭى ئەۋلاد ئالىي دەرىجىلىك يانفون شياۋمى 16Pro ۋە 16Ultra نىڭ ھەممىسى تۈز ئېكران قوللىنىپ، LTPO تېخنىكىسىنى ئىشلىتىدۇ. بۇلارنىڭ ئىچىدە، شياۋمى 16 يەنىلا 6.3 دىيۇيملۇق كىچىك ئېكران لايىھەسىنى ساقلاپ قالىدۇ، شياۋمى 16Pro ۋە شياۋمى 16 Ultra بولسا بىر ئاز چوڭايتىلىپ، 6.8x دىيۇملۇق بولىدۇ.

 بۇنىڭدىن باشقا، OPPO بۇ يىل يەنە يېنىك ۋە نېپىز تۈز ئېكرانغا مەبلەغ سالىدۇ، كېيىنكى ئەۋلاد Reno يۈرۈشلۈكىمۇ تۈز ئېكران سەپلەيدۇ. ئۇنىڭدىن باشقا، خۇاۋېي Mate80 يۈرۈشلۈكىنىڭ تۈز ئېكران ئىشلىتىشنى سىناۋاتقانلىقى ۋە 3D چىراي تونۇش ئىقتىدارىنى داۋاملىق قوللايدىغانلىقى ھەققىدە خەۋەرلەر بار.

 ئوبيېكتىپ قارىغاندا، يانفون ئەگرى ئېكرانىنىڭ «يوقىلىشى» ئەمەلىيەتتە بازارنىڭ تاللىشى بىلەن ئىشلەتكۈچى تەسىراتى ئوتتۇرىسىدىكى كۈرەشنىڭ نەتىجىسى. بىر نەچچە يىل ئىلگىرىكى يۇقىرى دەرىجىلىك سىمۋول بولۇشتىن ھازىرقى ئىشلەپچىقارغۇچىلار تەرىپىدىن سوغۇق مۇئامىلىگە ئۇچىراشقىچە، تۆۋەندىكى بىر نەچچە نۇقتىغا يىغىنچاقلاشقا بولىدۇ:

 1. چىرايلىق ئەمما ئىشلىتىشكە قولايسىز

 خاتا چېكىش ئادەتتىكى ئىشقا ئايلاندى: ئەگرى ئېكراننىڭ گىرۋىكىدە ئاسانلا خاتا چېكىش يۈز بېرىدۇ، ئويۇن ئويناش، ۋىدىيو كۆرۈش ۋاقتىدا بارماق بىر سىيرىلسا مەسىلە چىقىدۇ، تەسىرات بىۋاسىتە ناچارلىشىدۇ.

 قوغداش چاپلىقى چاپلاش تەس: نورمال قاتتىقلاشتۇرۇلغان چاپلاق تەكشى چاپلانمايدۇ، UV يېلىم پەردىسى مۇرەككەپ، ئازراق ئېھتىياق قىلمىسا كاردىن چىقىدۇ.

 رېمونت قىلىش چىقىمى بەك يۇقىرى: ئەگرى ئېكران بىر چۈشۈپ كەتسە چېقىلىدۇ، رېمونت قىلىش ھەققى مىڭ يۈەندىن ئاشىدۇ، كىشىلەر «سېتىۋالغىلى بولسىمۇ، رېمونت قىلدۇرغىلى بولمايدۇ» دەپ چاقچاق قىلىدۇ.

 گىرىۋىكنىڭ رەڭگى ئۆزگىرىپ كېتىدۇ، ئالا چىپار سىزىقچە پەيدا بولىدۇ: كۆرسىتىش ئۈنۈمى تۇراقسىز، چىداملىقى ناچار، ئىشلەتكۈچىلەر «ئاسراپ ئىشلىتىش»كە مەجبۇر بولىدۇ.

 2. تۈز ئېكراننىڭ چىقىمى تۆۋەن، پايدىسى يۇقىرى

 تۈز ئېكران ئىشلەپچىقىرىش تېخنىكىسى پىشىپ يېتىلگەن، ماتېرىيال ئىسراپچىلىقى ئەگرى ئېكرانغا قارىغاندا %30 ئاز، ئىشلەپچىقارغۇچىلار ئەگرى ئېكرانغا قارىغاندا كۆپ پايدا ئالالايدۇ.

 ئالىي دەرىجىلىك يانفون لايىھەسى ئومۇمىيۈزلۈك ئەمەلىي قوللىنىشقا قايتتى.  OPPO Find X8 Ultra، شياۋمى 16 يۈرۈشلۈكى، خۇاۋېي Mate 80 قاتارلىق ئالىي دەرىجىلىك يانفونلار بىۋاستە تۈز ئېكرانغا يۈزلەندى.

 بۇنىڭدىن باشقا، يېڭى تېخنىكىلار (مەسىلەن LIPO ئورالما، 3D لىق پىرىنتلاپ ياسالغان ئوتتۇرا رامكا) تۈز ئېكراننىڭمۇ ئىنتايىن تار گىرۋەك ۋە يېنىك، نېپىز يانفون گەۋدىسىگە ئېرىشەلىشىنى ئەمەلگە ئاشۇردى.

 3. بازار ئېھتىياجى «تاشقى كۆرۈنۈش» تىن «ئىچكى مەزمۇن» غا يۈزلەندى، ئەگرى ئېكران ئەمدى يۇقىرى دەرىجىلىكنى بىلدۈرمەيدۇ.

 يۇقىرى دەرىجىلىك ≠ ئەگرى ئېكران. ئىشلەتكۈچىلەر ئەمدى «قارىماققا قىممەت» ئۈچۈن پۇل خەجلىمەيدۇ، ئەكسىچە باتارېيە ئۆمرى، ئىسسىقلىق تارقىتىش، سىگنال قاتارلىق ئەمەلىي تەسىراتلارغا ئەھمىيەت بېرىدۇ، تۈز ئېكران ئەمەلىيەتچىللىك ئېقىمىغا تېخىمۇ ماس كېلىدۇ.

 ئىشلەتكۈچىلەر ئەگرى ئېكراننىڭ «گۈزەللىك قوشۇمچە باھاسى» نىڭ قىممىتى يوقلۇقىنى بايقىدى، تۈز ئېكراننىڭ تۇراقلىقى ۋە باھا-سۈپەت نىسبىتى تېخىمۇ ياخشى.

 كەلگۈسى يۈزلىنىش: ئەگرى ئېكران پۈتۈنلەي يوقالمايدۇ، ئەمما ئىككىنچى ئورۇنغا چۈشۈپ قېلىشى مۇمكىن.

 كەلگۈسىدە، قىسمەن ئوتتۇرا-يۇقىرى دەرىجىلىك يانفونلار يەنىلا ئەگرى ئېكراننى ساقلاپ قالىدۇ، لايىھە سەزگۈسىنى ياكى مەلۇم ئىشلەتكۈچى گۇرۇپپىسىنى (مەسىلەن كۆرۈش تەسىراتىغا ئەھمىيەت بېرىدىغان فىلىم-مۇزىكا ھەۋەسكارلىرى) نىشان قىلىدۇ. چوڭقۇر مىكرو ئەگرى ئېكران گۈزەللىك ۋە ئەمەلىيەتچىللىكنى بىرلەشتۈرۈپ، ئۆتكۈنچى تاللاش بولۇشى مۇمكىن.

 ئەگرى ئېكراننىڭ چېكىنىشى، ماھىيەتتە ئىشلەپچىقارغۇچىلار ۋە ئىشلەتكۈچىلەرنىڭ بىرلىكتە تاللىشى — قانچىلىك ئالىي تېخنىكا بولۇشىدىن قەتئىينەزەر، ئەمەلىي قىيىنچىلىقلارنى ھەل قىلالمىسا، ئاخىرى شاللىنىدۇ.

 كەلگۈسىدىكى يانفون ئېكرانى رىقابىتى، بەلكىم تۈز ئېكراننىڭ ئەڭ يۇقىرى چەك تەسىراتى (مەسىلەن كۆزنى قوغداش، يۇقىرى يېڭىلاش نىسبىتى) ياكى قاتلىما ئېكران قاتارلىق يېڭى شەكىللەردە مەركەزلىشىشى مۇمكىن، ئەگرى ئېكراننىڭ «ئاخىرلىشىشى» بولسا، دەل بازارنىڭ ئەقىلىي غەلىبىسىدۇر.

 قارىغاندا، ئەزەلدىن ئەگرى ئېكرانلىق ئايفون چىقارمىغان ئالمىنىڭ تاللىشى توغرىدەك قىلىدۇ.