《终结者 2》T-1000 成真？
كىلاسسىك فانتازىيەلىك كىنو «ئاخىرلاشتۇرغۇچى 2» دە، T-1000 روبوتى ئۆزىنىڭ سۇيۇق مېتال گەۋدىسىنىڭ شەكىل ئۆزگەرتىش ئىقتىدارى بىلەن كىشىلەرگە چوڭقۇر تەسىر قالدۇرغان.ئۈستدىكى ۋىدىيونى كۆرسىڭىز ئېسىڭىزگە كېلىدۇ:
فانتازىيەدىلا مەۋجۇت بولىدۇ دەپ قارالغان بۇ ئۇقۇم رېئاللىققا ئايلىنىۋاتىدۇ.كالىفورنىيە ئۇنىۋېرسىتېتى سانتا باربارا شۆبىسىنىڭ تەتقىقات گۇرۇپپىسى 2-مارت «ئىلىم-پەن» ژۇرنىلىدا ماقالە ئېلان قىلىپ، ئۇلار ياسىغان كىچىك روبوتنى تونۇشتۇردى. بۇ روبوتلار بىر كوللېكتىپ سۈپىتىدە ماسلىشىپ ئىشلەپ، شەكلىنى ئۆزگەرتەلەيدۇ، ھەتتا قاتتىق ھالەت بىلەن سۇيۇقلۇققا ئوخشاش ھالەت ئارىسىدا ئالمىشالايدۇ.
بۇ گۇرۇپپا ماتيۇ دېۋلىن باشچىلىقىدا بولۇپ، ئۇلار ئېھتىياجغا قاراپ ھەر قانداق شەكىلگە ئۆزگىرەلەيدىغان ۋە خالىغان فىزىكىلىق خۇسۇسىيەتكە ئىگە روبوت كوللېكتىپىنى قانداق قۇرۇش مەسىلىسىنى تەتقىق قىلىۋاتىدۇ.ماكس پلانك مولېكۇلا بىئولوگىيەسى ۋە ئىرسىيەت تەتقىقات ئىنستىتۇتىنىڭ پروفېسسورى ئوتگېر كامپاسنىڭ بىلدۈرۈشىچە، تەتقىقات گۇرۇپپىسى جانلىقلار تۆرەلمە توقۇلمىسىدىن ئىلھام ئېلىپ، ئوخشاش ئىقتىدارغا ئىگە روبوت لايىھەلەشكە ئۇرۇنغان. كامپاس گۇرۇپپىسى تۆرەلمە ئۇرۇقنىڭ يېتىلىش جەريانىنى كۆزىتىپ، جىنسىي ئۇرۇق توقۇلمىسىنىڭ يېتىلىش جەريانىدا قاتتىق ھالەت بىلەن سۇيۇقلۇق ھالەت ئارىسىدا ئالمىشالايدىغانلىقىنى ۋە شۇ ئارقىلىق ئەزالارنى شەكىللەندۈرىدىغانلىقىنى بايقىغان. ئۇلار بۇ ئالاھىدىلىكنى روبوت لايىھەلەشكە قوللىنىشنى ئويلىغان.
جانلىقلار ئۇرۇق ھۈجەيرىلىرى زىچ تۇتاشقان بولسىمۇ نىسبىي ھەرىكەت قىلالايدۇ؛ ئىككىنچىسى، ھۈجەيرىلەر سىگنال مولېكۇلىلىرىنى چىقىرىپ، قوشنا ھۈجەيرىلەرنىڭ تونۇشى ۋە ئىنكاس قايتۇرۇشى ئارقىلىق يۆنىلىشلىك ھەرىكەت قىلىدۇ؛ ئۈچىنچىسى، ھۈجەيرىلەر ئۆزئارا چاپلىشىپ، مۇستەھكەم پۈتۈنلۈك ھاسىل قىلالايدۇ. بۇ ئىقتىدارلارغا ئاساسەن، ئۇلار ئوخشاش فۇنكسىيەگە ئىگە روبوت لايىھەلىگەن.بۇ روبوتلار ئىچكى قىسىمدا ھەرىكەت قىلالىشى ئۈچۈن ئېلېكتىر چىشلىق چاقى بىلەن تەمىنلەنگەن؛ ماگنىت ئۇلارنىڭ زىچ تۇتىشىشىنى كاپالەتكە ئىگە قىلىدۇ؛ ئۇنىڭدىن باشقا، يورۇقلۇق تەكشۈرگۈچ ئۇلارنىڭ قۇتۇپلاشتۇرغۇچ سۈزگۈچ لىنزىلىق چىراغ ئارقىلىق بۇيرۇق قوبۇل قىلالىشىغا ئىمكانىيەت يارىتىدۇ.يورۇقلۇق سىگنالىنىڭ كونتروللۇقىدا، ئىككى روبوت كوللېكتىپى (جەمئىي 20 روبوت) ئۆزئارا يېقىنلىشىپ، ئوتتۇرىدا تۇتىشىپ بىر «كۆۋرۈك» شەكىللەندۈرەلەيدۇ، تەخمىنەن 5 كىلوگرام ئېغىرلىققا بەرداشلىق بېرەلەيدۇ. ئۇلار يەنە بىر كۇب شەكىللەندۈرۈپ، تەخمىنەن 70 كىلوگرام ئېغىرلىقتىكى چوڭ ئادەمنى كۆتۈرەلەيدۇ. ئۇنىڭدىن باشقا، ئۇلار نەرسىلەرنىڭ ئەتراپىدا ئېقىپ، تولۇقلىغۇچى شەكىل ھاسىل قىلىپ، قېتىپ گايكا ئاچقۇچ رولىنى ئوينىيالايدۇ. كامپاس: «بۇ دەل بىز تەسەۋۋۇر قىلغان ‹ئاخىرلاشتۇرغۇچى› دىكىدەك شەكىل ئۆزگەرتىش» دەيدۇ.ئەمما، بۇ روبوتلارنىڭ دىئامېتىرى تەخمىنەن 5 سانتىمېتىر بولۇپ، «ئاخىرلاشتۇرغۇچى» دىكى بىئولوگىيەلىك سۇيۇق مېتال شەكىل ئۆزگەرتىشىدىن يىراق.
كامپاس: «ياخشى خەۋەر شۇكى، بىز روبوتلارنى بىئولوگىيەلىك ھۈجەيرە چوڭلۇقىغا (تەخمىنەن 10 مىكرون) كىچىكلىتىشىمىز كېرەك ئەمەس. 100 مىكرون ياكى 1 مىللىمېتىر چوڭلۇقىغا يەتسىلا، روبوت ئاللىقاچان كىشىنى ھەيران قالدۇرىدۇ» دېدى. ئەمما، ھازىر بۇنداق كىچىك روبوت ياساش يەنىلا چوڭ قىيىنچىلىققا دۇچ كېلىۋاتىدۇ. كىچىكلىتىش مەسىلىسى ھەل قىلىنغان تەقدىردىمۇ، يەنە باشقا قىيىنچىلىقلارنى يېڭىش كېرەك، مەسىلەن روبوتنىڭ توك مەنبەسى مەسىلىسى.تەتقىقاتتا ئىشلىتىلگەن روبوت لىتىي ئىئون باتارىيە بىلەن تەمىنلەنگەن بولۇپ، تەخمىنەن يېرىم سائەت داۋاملىق ئىشلىيەلەيدۇ. ئەمما، توك سەرپىياتى ئاساسەن روبوت بىر خىل شەكىلدىن يەنە بىر خىل شەكىلگە ئۆزگەرگەندە مەركەزلىشىدۇ. روبوت كوللېكتىپى بىر شەكىلدە مۇقىملاشقاندىن كېيىن، ئۇلارغا ناھايىتى ئاز توك كېرەك بولىدۇ. ئەمما ھازىرقى مەسىلە شۇكى، ھەر بىر روبوتنى قولدا زەرەتلەش كېرەك. 20 روبوتلۇق كوللېكتىپ ئۈچۈن بۇ تېخى مەشغۇلات قىلغىلى بولىدۇ، ئەمما ئەگەر روبوت سانى يۈزلىگەن ياكى مىڭلىغانغا يەتسە، بۇ چوڭ مەسىلە بولىدۇ. تەتقىقاتچىلار ئوتتۇرىغا قويغان بىر مۇمكىن بولغان ھەل قىلىش چارىسى سىمسىز زەرەتلەش، ئەمما بۇ يىراق مۇساپىلىك زەرەتلەشنى ئەمەلگە ئاشۇرۇشنى تەلەپ قىلىدۇ. ھازىر، بۇ خىل شەكىل ئۆزگەرتكۈچى روبوت كوللېكتىپى ئاساسەن بىر خىل ئۇقۇم دەلىللەش سۈپىتىدە خىزمەت قىلىدۇ.
يېقىندا يەنە بىر كوللىكتىپ بۇ ھەقتىكى تەتقىقاتتا بۆسۈش ھاسىل قىلدى.
كورېيە سېئۇل ئۇنىۋېرسىتېتى ماشىنىسازلىق فاكۇلتېتىنىڭ پروفېسسورى كىم خاۋروڭ، ماتېرىيال ئىلمى ۋە ئىنژېنېرلىق فاكۇلتېتىنىڭ پروفېسسورى سۇن جېڭيۈن، ۋە جياچۈەن ئۇنىۋېرسىتېتى ماشىنا ئەقلىي سانائەت ئىنژېنېرلىقى فاكۇلتېتىنىڭ پروفېسسورى پاك جيەنخۇەن باشچىلىقىدىكى تەتقىقات گۇرۇپپىسى سۇيۇقلۇققا ئاساسلانغان يېڭى ئەۋلاد يۇمشاق ماتېرىياللىق روبوت ياساپ چىقىپ، ئەنئەنىۋى قاتتىق ماتېرىياللىق روبوتلارنىڭ بىئولوگىيەلىك تەقلىد فۇنكسىيەسىنىڭ چەكلىمىسىنى بۆسۈپ تاشلىدى.بۇ خىل سۇيۇقلۇق روبوت ھۈجەيرىگە ئوخشاش ئالاھىدىلىككە ئىگە بولۇپ، بىئولوگىيەلىك ھۈجەيرىگە ئوخشاش ئەركىن شەكىل ئۆزگەرتەلەيدۇ، بۆلۈنۈپ بىرلىشەلەيدۇ ۋە ماددا يۆتكەش ۋەزىپىسىنى ئورۇنلىيالايدۇ. بۇ يۇمشاق ماتېرىياللىق روبوت تېخنىكىسىنىڭ مۇھىم ئىلگىرىلەشكە ئېرىشكەنلىكىنى كۆرسىتىدۇ. مۇناسىۋەتلىك نەتىجە 31-مارت «ئىلىم-پەن تەرەققىياتى» (SCIENCE ADVANCES) ژۇرنىلىدا ئېلان قىلىندى.
تەتقىقات گۇرۇپپىسى يېڭىچە «دانچە قالقان» لايىھەسىنى قوللىنىپ، سۇيۇقلۇق يادروسىنى يۇقىرى زىچلىقتىكى سۇيۇقلۇق ئىتتىرىگۈچى دانچىلار بىلەن قاپلاپ، ئۇنىڭغا سۇيۇقلۇقنىڭ شەكىل ئۆزگەرتىش ئىقتىدارى ۋە قاتتىق جىسىمنىڭ قۇرۇلما مۇقىملىقىنى بىرلەشتۈرگەن.
سىناقتا كۆرسىتىلىشىچە، بۇ روبوت قاتتىق بېسىش ياكى ئېگىز جايدىن چۈشۈپ كېتىش زەربىسىگە بەرداشلىق بېرەلەيدۇ ھەمدە سۇ تامچىسىغا ئوخشاش ئۆزلۈكىدىن ئەسلى ھالىتىگە قايتالايدۇ. ئۇلتىرا ئاۋاز كونترول تېخنىكىسى ئارقىلىق، تەتقىقاتچىلار ئۇنىڭ ھەرىكەت سۈرئىتىنى توغرا كونترول قىلىشنى ئەمەلگە ئاشۇردى.
فۇنكسىيە كۆرسىتىش باسقۇچىدا، بۇ روبوت 1991-يىللىق كىلاسسىك فانتازىيە «ئاخىرلاشتۇرغۇچى 2» دىكى T-1000 نى دوراپ، مېتال رېشاتكىدىن ئۆتۈپ، يات جىسىمنى تۇتۇۋېلىش، يۆتكەش ۋە كۆپ روبوتنىڭ بىرلىشىشىنى تاماملىدى، يەنە سۇ يۈزى ۋە قۇرۇقلۇقتا ئەركىن ھەرىكەت قىلالايدۇ.ماقالىنىڭ بىرىنچى ئاپتورى چۈەن شياۋبىن مۇنداق دېدى: «بىز روبوت ياساشنى باشلىغاندا دەسلەپتە ئەنئەنىۋى سۇ تامچىسى ئۇسۇلىنى قوللاندۇق، كېيىن يېڭىچە ‹دانچە قاپلاش› تېخنىكىسىنى ئوتتۇرىغا قويۇپ، روبوتنىڭ مۇقىملىقىنى كۆرۈنەرلىك ئۆستۈردۇق»
پروفېسسور كىم خاۋروڭ: «نۆۋەتتىكى تەتقىقات نەتىجىمىزگە ئاساسەن، بىز سۇيۇقلۇق روبوتنىڭ ئاۋاز دولقۇنى ياكى توك مەيدانى ئارقىلىق شەكىل ئۆزگەرتىش تېخنىكىسىنى تەتقىق قىلىۋاتىمىز» دېدى. بىرلەشمە ئاپتور پروفېسسور سۇن جېڭيۈن: «بىز سۇيۇقلۇق روبوتنىڭ ماتېرىيال فۇنكسىيەسىنى كۈچەيتىپ، كەلگۈسىدە تېخىمۇ كەڭ كۆلەمدە سانائەتتە قوللىنىشقا ئېرىشىشنى پىلانلاۋاتىمىز»
كەلگىنىڭىزنى قارشى ئالمىز
