5分钟充电407公里油电同速
تۈنۈگۈن كەچتىكى بىيادى دەرىجىدىن تاشقىرى e سۇپىسى تېخنىكىسىنى ئېلان قىلىش ۋە خەن L، تاڭ L نى ئالدىن زاكاز قىلىش ئاخبارات ئېلان قىلىش يىغىنىدا، بىيادى گۇرۇھىنىڭ باش مۇدىرى، قوشۇمچە لىدىرى ۋاڭ چۈەنفۇ مۇنداق جاكارلىدى :
بىيادى يېڭى ئېنېرگىيەلىك ئاپتوموبىلى دۇنيا بويىچە تۇنجى تۈركۈملەپ ئىشلەپچىقىرىلىدىغان توكلۇق ئاپتوموبىلىنىڭ كىلوۋولتلۇق يۇقىرى بېسىملىق قۇرۇلمىسىنى ئىشقا ئاشۇردى، ئەڭ يۇقىرى توك قاچىلاش ھەسسىلىكى 10C غا يەتتى، ئەڭ چوڭ توك قاچىلاش قۇۋۋىتى 1MW (يەنى 1000kw) قا يەتتى.
بەش مىنۇت توك قاچىلاپ، 407 كىلومېتىر يۈرگىلى بولىدۇ، ماي قاچىلاش ۋە توك ئوخشاش سۈرئەتتە بولىدۇ.
بىيادى خەن LEV ئاپتوموبىلىنىڭ ئەمەلىي سىنىقىدا، مېگاۋاتلىق چاقماق زەرەتلىگۈچى «بىر سېكۇنت زەرەتلەپ، ئىككى كىلومېتىر يۈرۈش» تەك پۈتۈن يەر شارى بويىچە ئەڭ يۇقىرى توك قاچىلاش سۈرئىتىنى ئىشقا ئاشۇرغان بولۇپ، بەش مىنۇت توك قاچىلىسا 407 كىلومېتىر مۇساپىنى ماڭغىلى بولىدۇ.
ۋاڭ چۈەنفۇ مۇنداق بىلدۈردى: ماي يېقىلغۇلۇق ئاپتوموبىلغا بىر قېتىم ماي قاچىلاشقا بەش مىنۇتتىن سەككىز مىنۇتقىچە ۋاقىت كېتىدۇ، ئۇدا يۈرۈش مۇساپىسى 500 كىلومېتىر ئەتراپىدا بولىدۇ. ھازىر بىيادى مېگاۋاتلىق چاقماق تېزلىكىدە توك قاچىلاشمۇ ئوخشاشلا بەش مىنۇتتىن سەككىز مىنۇتقىچە توك قاچىلاپ، ئوخشاش مۇساپىنى ماڭالايدۇ، ماي بىلەن توك ئوخشاش سۈرئەتتە بولۇشتەك يېپيېڭى دەۋرنى ھەقىقىي ئىشقا ئاشۇردى.
مېگاۋاتلىق تېز زەرەتلىگۈچ ئومۇملاشتۇرۇشنى تېزلىتىش ئۈچۈن، بىيادى پۈتۈن مەملىكەتنىڭ ھەرقايسى جايلىرىدا 4000 دىن ئارتۇق مېگاۋاتلىق زەرەتلەش تۈۋرۈكى قۇرۇشنى پىلانلىدى. شۇنىڭ بىلەن بىللە، بىيادى مېگاۋاتلىق تېز زەرەتلىگۈچنى كەسىپلەرگە يۈزلىنىپ ئورتاق بەھرلىنىش ئۈچۈن تېخىمۇ كۆپ جەمئىيەت كاپىتالىنىڭ بىرلىكتە قاتنىشىشىنى قارشى ئالىدىغانلىقىنى بىلدۈردى.
بۇنىڭدىن باشقا ھازىر ھەر قايسى ئورۇنلاردا بار بولغان ئاممىۋى زەرەتلىگۈچنى بىيادى شىركىتىنىڭ قوش چاتقۇچ چېتىپ زەرەتلەش تېخنىكىسىدىن پايدىلىنىپ، بىرلا ۋاقىتتا ئىككى چاتقۇچنى چېتىپ، بىۋاستە چاقماق تېزلىكىدە زەرەتلەشنى ئىشقا ئاشۇرغىلى بولىدۇ.
بىيادى ئەقلىي ئىقتىدارلىق بېسىم ئاشۇرۇش تېخنىكىسىدىن پايدىلىنىپ، پەقەت ھازىر بار بولغان توك كونترول قىلىش قۇرۇلمىسىنى ئىشلىتىپ، يېڭى زاپچاسلارنى قوشمايلا، بېسىمنى ئاشۇرۇپ تېز زەرەتلەش ئېلىپ بېرىپ، ئاممىۋى تېز زەرەتلەش تۈۋرۈكىنىڭ ئومۇميۈزلۈك ماسلىشىشىنى ئىشقا ئاشۇردى.
مەسىلەن، 250 كىلوۋاتلىق ئاممىۋى زەرەتلەش تۈۋرۈكىدە، قوش چاتقۇچ بىلەن توك قاچىلىغاندا 500 كىلوۋاتلىق زەرەتلەش قۇۋۋىتىگە يەتكىلى بولىدۇ، بۇ نۇرغۇن دەرىجىدىن تاشقىرى زەرەتلەش تۈۋرۈكىنىڭ قۇۋۋىتىدىنمۇ چوڭ بولۇپ، ئاممىۋى تېز زەرەتلەش تۈۋرۈكىنى سېكۇنتتىلا ئادەتتىن تاشقىرى زەرەتلەش تۈۋرۈكىگە ئايلاندۇرىدۇ.
بۇ قېتىم ئېلان قىلغان خەن / تاڭ L ئاپتوموبىلى دەرىجىدىن تاشقىرى e سۇپىسى ئاساسىدا تەتقىق قىلىپ ياسالغان ھەمدە EV نۇسخىسى ( ساپ توك ) ، DM نۇسخىسى ( توكقا چېتىلدىغان ئارىلاش ئېنېرگىيەلىك) دەپ ئىككى خىل نۇسخىسى بار.
تونۇشتۇرۇلۇشىچە، خەن / تاڭ L EV نۇسخىسىغا يېڭى تىغ باتارىيەسى ئورنىتىلغان بولۇپ، يەككە ئېلېكتىر موتورنىڭ ئەڭ چوڭ قۇۋۋىتى 500kW، قوش ئېلېكتىر موتورنىڭ قۇۋۋىتى ئايرىم - ئايرىم ھالدا 230kW ۋە 580kW .
خەن L EV نۇسخىسىنىڭ سۈرئىتى نۆلدىن يۈزگە چىقىشقا 2.7 سېكۇنت، تاڭ L EV نۇسخىسىنىڭ 3.6 سېكۇنت كېتىدۇ؛ 1000kW لىق يەر شارى بويىچە ئەڭ چوڭ زەرەتلەش قۇۋۋىتىگە ئىگە.
خەن ، تاڭ L EV نۇسخىسى ھازىر ئالدىن زاكازنى باشلىدى.
خەن L EV نىڭ باھاسى 270 مىڭدىن 350 مىڭ يۈەنگىچە، تاڭ L EV نىڭ باھاسى 280 مىڭدىن 360 مىڭ يۈەنگىچە.
تېخمۇ كۆپ مەزمۇنلارنى بۇ يەرگە كىرىپ كۈرۈڭ
بۇ ئەپچاقتا سىزگە لازىملىقلا نەرسىلەر بار
كەلگىنىڭىزنى قارشى ئالمىز
